“ADINBERRI-HARIAK" laguntzen deialdian hautatu dituzte, nahi ez den bakardadea prebenitzeko eta osasun mentala sustatzeko funtsezko bi proiektu beasaindar
Laguntza horiek Donostian aurkeztu dira, Gipuzkoa mailako gainerako proiektu onuradunekin batera, Udaletako eta Aldundiko arduradunak bertan izan dira
‘ADINBERRI-HARIAK 'laguntzen deialdian hautatuak izan dira, nahi ez den bakardadea prebenitzeko eta beasaindarren osasun mentala sustatzeko eta hobetzeko funtsezko bi proiektu. Gipuzkoa osoan 12 proiektu izan dira hautatuak eta horietako bi proiektu Beasainen garatzen ari dira.
Ekimen horiek HARIAKen I. Jarduera Planaren (2022-2027) parte dira, eta tokiko ekosistema sendo bat ezartzea dute helburu, gero eta nabarmenagoa den arazo horri aurre egiteko. Beasaingo Udaletik, Leire Artola alkatea eta Mariola Pascual Herritarren arloko burua Donostian izan dira laguntzen aurkezpenean.
Gizartean eta komunitatean eragina duten bi proiektu
Beasaingo Udala, Dar Dar Produkzioakekin lankidetzan, nahi ez den bakardadearen eta osasun mentalaren arteko harremanari buruzko sentsibilizazio eta heziketa programa bat garatzen ari da. Ekimen esperimentalen kategorian kokatutako proiektu honen helburua da kontzientzia soziala areagotzea eta errealitate horri aurre egiteko tresnak ematea.
Gainera, UPV/EHUrekin batera, Beasainek “Etxelagun I-Etxebizitza eredua” proiektua gauzatuko du, nahi ez den bakardadeari aurre egin eta prebenitzeko. Ekimen honek, proiektu bultzatzaileen barruan, bakardade arriskuan dauden pertsonen arteko bizikidetza eta elkarrekiko laguntza sustatuko duten etxebizitza prototipoak diseinatu eta ebaluatu nahi ditu. Laguntza hau Beasaingo Udalaren menpeko diren etxebizitza tutelatuetan burutuko da.
Laguntza instituzionala eta esparru estrategikoa
Nahi ez diren bakardadeei buruzko laguntza monografikoen aurtengo deialdiaren proiektu onuradunak HARIAKen I. Jarduketa Planean (2022-2027) sartuko dira, eta “nahi ez diren bakardadeak prebenitzeko eta horiei heltzeko etorkizuneko tokiko ekosistemen enbrioi potentzialak” dira. “Beraz, mendebaldeko herrialdeetan gero eta zabalagoa den errealitate horri helduz politika publikoak zentratu behar dituen lurralde-ekosistema osoari lagunduko diote”, defendatu du ekitaldi honetan Maite Peña Zainketetako eta Gizarte Politiketako diputatuak.
Beasainek aurrera egin du komunitate inklusiboen eraikuntzan; izan ere, ekimen horiei esker, nahi ez den bakardadeari heltzeko estrategia berritzaileak sortzeko erreferente gisa kokatzen da, gizarte sarea indartuz eta osasun mentala sustatuz, herritarren ongizaterako funtsezko zutabe gisa. Horren eta nahi ez den bakardadea arinduko duten espazioen eraikuntzaren adibide izan da Barrendain plazako eraberritzea diseinatzeko proiektua, non hainbat gizarte eragilek (tokiko elkarteak), teknikarik (hirigintza) eta akademikok (UPV/EHU) parte hartu duten.
Europan eragina duen eredua
Proiektuak Donostian aurkezteko ekitaldiak, halaber, Gipuzkoak eta Beasainek ADINBERRI buru duen Interreg Europe ‘KORALE "Europako programan duten rola nabarmentzeko balio izan du. Proiektu honek Europako politika publikoetan eragin nahi du eta dagoeneko sei jardunbide egoki aitortu ditu, horietako bi Gipuzkoan sortuak, bat Beasainen, aipatutako Barrendain plazako diseinuagatik. Deialdi honetan hautatutako proiektuak Europa mailan eskalatu eta beste herrialde batzuentzat erreferentzia bihur litezke bakardadearen aurkako borrokan eta ongizate emozionalaren sustapenean.
