MALEN URRETABIZKAIA MATEOS
GORPUTZAREN ARDATZAK
Jasoaz mila bat zama
jo dut ispiluarengana
Saiatu arren ez zait gustatzen
bertan ikusten dudana (BIS)
Nahi nuke sabel zapala
gorputz lerdena argala
XS galtzetan sartzea
lortzeko nola edo hala (BIS)
Inbidi handia dizut
zure gorputzik nik ez dut
Irudi hori nahi nuke baina
ez da argaltzen muxutruk (BIS)
Izan lodi ta zabala
edo hezur bistan azala
Duzuna duzula ere berdin du
ez da gorputz ideala (BIS)
Objektu baten modura
saltzen naute ni mundura
jendearen kritika guztiak
epaituz nire itsura (BIS)
Gorputzaren garrantzia
hain da ta erakargarria
Hezur ta azal bakarrik banintza
non da ordun gizakia? (BIS)
Edertasunan esklabu
esteriotipoen gatibu
Nik aske izan nahi nuke baina
hori egiten ba al dakigu? (BIS)
Ez dago konplexurik
ez duen gorputzik
minduko ez zuena
zenbait hitz itsusik (BIS)
Saiatuz ea al dedan
ohartu al dudan eran
Nire kiloak baino ez al dago
zure iritzia soberan? (BIS)
Belarri gorren antzera
begi itsukin batera
Gorputzak onar ditzagun denok
saiatuz danok batera (BIS)
