KEPA ORMAZABAL GALDOS
BASERRIAREN BEHERAKADA
DOINUA: Iparragirre abila dela
Goizean jeiki, katiuskak jantzi,
Behiei jana ematera
Gero errapek jeitzi dittut ta
lau litro esne atera,
Litroa euro baten,
Ezinda eman jaten,
Izardie goitik behera,
Ordu ta erdi lan egin eta
lau eurorekin etxera.
Oiloak eta oilarrak ere
Gosetu dira iadanik,
Hiru dozena arrautza bildu
Ez pentsa gaizki dagonik,
Baiño_honen prezioa,
Juxtue razioa,
Ia saltzen da doainik,
Kaleko jendek prezio hontan
Ez luke egingo lanik
Hamar terdiak jo berri eta
Tripa barrenak ordago,
Gaztai pixka bat, txoixo punta bat
Eta ardoari trago,
Indarrak hartu eta,
Berriz lanera buelta,
Lehen baiño prexkoago,
Baserrin bizi nahi baldin bada,
Lan egin beharra dago.
Bazkal ordua iritsi arte
Baratzan porruak sartzen,
Bi ordu luze makurtuta ta
Halere ez naiz kexatzen,
Letxuga ta tomate,
Denak urezta arte,
Ezin da hasi bazkaltzen,
Merkadonara joan ta erosi
Askoz erosogoa zen.
Bazkaldu erdi presaka eta
Arratsalden sagastira,
Illuntzan dutxa azkar bat hartu
Ta koperatiba gira,
Pentsua erosita,
Preziok ikusita,
Ez dira jeitsi erdira,
Goizean zehar lortutakoak
Pentsutan xautu dira.
Situazio larrian gaude
Jarri gaitezen serio,
Buelta bat eman baserriari
Gaztek gea oaindio,
Maitatu baserria,
Bertako jan
Kalitatea medio,
San tomaseko ospakizunek
Ez dute asko balio.
