Beasaingo Musika Eskola 1977ko irailean sortu zen, udal Bandako zuzendariaren erretiratzearen ondorioz.
Apirilaren 5eko 75/1982 Dekretuak, Beasaingo Musika Eskola Oinarrizko Mailako musika irakaskuntzako zentro ez ofizial onartua izendatu zuen.
1989ko ekainaren 8ko batzarrean, Udalbatzak sortu zuen Beasaingo Musika Kontserbatorioa deitutako Erakunde Autonomoa. Era berean, irailaren 5eko 185/1989 Dekretuak balio akademiko ofiziala eman zion Beasaingo Oinarrizko Kontserbatorioan irakatsitako Oinarrizko Mailako musika irakaskuntzei.
1990ko otsailaren 19ko Aginduak, Ertaina Mailako balio ofiziala eman zion: Solfeo 5. maila eta Korala 2. maila. 1991eko abenduaren 17ko Dekretuak Ertaina Mailako musika irakaskuntzak emateko baimena eman zion. 1992an, urriaren 27ko 289/1992 Dekretuko aldi bateko xedapenak diren 1.etik 5.era bitartekoaren aplikazioaz, araututako irakaskuntzako musika ikastetxeak, hau da, oinarrizko eta ertaina mailako kontserbatorioak, Musika Eskola bihurtu ziren. Honen ondorioz, 1993ko urriaren 11ko aginduak, baimendu zuen Araba, Bizkaia eta Gipuzkoako lurralde historikoko kontserbatorioak Musika Eskola bihurtzea (Euskal Herriko Agintaritzaren Aldizkaria 93-11-11).
Beasaingo Udalbatzak 2019ko maiatzaren 23an ohiko osoko bilkuran «Beasaingo Loinatz Musika Eskola Erakunde Autonomoa» desegin zuen, Udal Azpisaila bilakatuz Herritarrak Sailaren barruan. Aurrerantzean Beasaingo Loinatz Udal Musika Eskola.
Musika Eskola, arlo ekonomiko eta administratiboan, Beasaingo Udaleko gobernu organoek, dagozkien konpetentzietan hartzen dituzten akordioen menpe dago.
Beste maila guztietan, Eusko Jaurlaritzako Hezkuntza Sailaren dekretuaz gidatzen da, 2024ko maiatzaren 21eko 64/2024 Euskal Autonomi Erkidegoko Musika-eta dantza-eskolen dekretuan, alegia.
