«Bertso jarriak, zahar eta berriak kantatuko dituzte Unai Agirre eta Eñaut Agirre hernaniarrek ordu eta erdiko emanaldian, eta gaur eguneko eta garai bateko kontuei errepasoa emango diote, bertsotan, Imanol Kamio musikari ereñotzuarra lagun dutela, pianoa eta esku-soinuarekin. Kantu hutsa eta musikatua nahasiko dira, bertso berri eta zaharretan. Garai eta leku ezberdinetara bidaia izango da ostiralekoa, Murumendi eta Mallutz aldean ibiliko dira, Aitor Sarriegiren bertsoekin, 1936ko Nafarroako Eulatera eramango ditu Unai Agirrek, eta Lezoko apustu "aldrebesa" berrituko dute Xenpelarrek, Justok eta Longinosek, besteak beste».