AMETS ZUBIZARRETA ETXANIZ
TRISTE BIZI NAHIZ ETA
Triste bizi naiz eta
hilko banintz hobe
badauzkat bihotzean
hainbat atsekabe
ni ez naizenez bere
bihotzaren jabe
nere mezuak dauzka
erantzunik gabe
telefonon bateri
gabe oraintxe nago
ta preokupazioak
doaz haratago
agian bere mezua
iristear dago
ezin egon niteke
oain baino okerrago
saiatu naiz ligatzen
aplikazioetan
zu bezelakorikan
ez dago benetan
gauero gelditzen naiz
zurekin penetan
ea aurkitzen zaitudan
zu diskoteketan
nik ezin det arindu
bihotzeko pena
psikologoa daukat
sendatzen nauena
zu ikustea izan ohi da
terapia onena
bestela alkoholarekin
garbitzen det dena
Gimnasioan hasi naiz
gorputza lantzeko
ta ez “Bilintx” bezela
argal egoteko
gogoa daukat berriz
elkar ikusteko
pentsatzen dut horrela
nauzula maiteko
mirarietan orain
ez degu sinisten
aspaldian zientzia
jarri dugu sosten
ea maitemintzeko
zerbait sortzen duten
zientziak esan dezala
ea egin liteken