Angela Garcia, 82 urteko beasaindarra, joan den ostiralean Arangoiti egoitzan kutsatutako bi kasuetako bat izan da. Osasun protokoloek adierazten dutenari jarraituz, egunean bertan Donostiako zentro sozio-sanitario batera eramana izan zen eta gaur bertan jakin da hil dela. 

Zoritxarreko berria jaso ondoren Aitor Aldasoro Beasaingo alkatea, harremanean jarri da haren senarrarekin eta udala eta udalerri osoaren izenean dolumina eta elkartasuna adierazi dizkio. 

Konfinamenduak irauten duen bitartean balizko bortizkeria kasuak jasan ditzaketen emakumeen arreta egokia “bermatu eta indartu” asmoz, alarma egoera ezarri zen momentutik  komunikazio eta koordinazio bideak indartu dira Foru Aldundiarekin, Emakunde eta Eusko Jaurlaritzarekin eta udalekin.

Emakumeen aurkako biolentziaren kasuak erdira murriztu dira azken egunotan EAEn, baina hala eta guztiz ere martxan daude bortizkeria matxistaren biktimak artatzeko zerbitzuak eta harrera zentroak, beti ere beren jarduera osasun gomendio eta protokoloetara egokitu ondoren.

Konfinamendu egoera honetan, gizarte osoari dei egiten zaio beren etxeetatik hiritar gisa inguruan egon daitezkeen balizko bortizkeria kasuen aurrean “konpromisoari eutsi” diezaioten. Emakumeen aurkako biolentziaren presazko arretarako eta harrerarako zerbitzuak indarrean daude. Bortizkeria matxista kasuen aurrean, biktima zein herritar oro kontaktuan jarri daiteke udaleko gizarte zerbitzuekin 943 028050, nahiz 900 840 111 telefonora deituz. 

Azpimarratu, bereziki, 112 larrialdietarako APPak egoera honetan izan dezakeen “baliagarritasun handia”. Izan ere, telefono deirik egin gabe edozein emakumeri laguntza eskaini diezaioke aplikazio honek. Hitz egiteko zein entzumeneko arazoak dituzten pertsonentzat egokitua dago, gainera, eta eskaera egiten duen emakumea GPS bidez lokalizatzeko aukera eskaintzen die segurtasun indarrei.

2 KARTELA koronabirusaindarkeria page 0001

Koronabirusagatik herenegun eman ziren bi kasu positiboen ondoren, gaurko hirurekin dagoeneko bost dira orain arte birusaz kutsaturiko Arangoitiko egoiliarrak

Arangoiti adinekoen egoitzako beste hiru egoiliarrek positibo eman dute koronabirusaren testa egin ostean. Hiru horiei ostegunean atzemandako bi kasuak gehitu behar zaizkie, honela bada, Beasaingo Arangoiti adinekoen egoitzan bost pertsona dira iada Covid-19 birusa hartu dutenak.

Aurreko kasuetan egin den bezala, osasun-protokoloa ezarri da eta dagoeneko isolamendu-egoeran daude eta datozen orduetan Donostiako zentro sozio-sanitarioetara eramango dituzte. Bien bitartean, Arangoitiko egoiliarrei eta langileei gertuko jarraipena eta zaintza egiten ari zaie gaixotasunaren zantzurik agertuko balitz. Osasun larrialdiko egoera eta Alarma-egoera ezarri zenetik, Gipuzkoa osoko adinekoen egoitzetan bezala, Beasaingo Arangoiti egoitzan bisitak eragotzita jarraitzen dute eta egoiliarrak bakarkako isolamenduan daude. 

 

Koronabirusagatik Beasaingo Arangoiti egoitzan positibo eman duten bi pertsonak, Donostiako zentro sozio-sanitario batera bideratu dituzte

Arangoiti zaharren egoitzako bi egoiliarrek positibo eman dute Koronabirusaren testa egin ostean. Emaitza ezagutu ondoren, kutsatze kasuetan dagokion protokoloa ezarri da, eta Donostiako zentro sozio-sanitario batera eraman dira.

Osasun Ministerioak positibo ematen duten pertsonekin kasuetarako markatutako protokoloaren arabera, zaintza pasiboa egin behar zaie kutsatutako pertsonarekin kontaktu estua izan duten pertsonei. Zaintza hori tenperatura hartzean datza batez ere, eta sintomarik baduten behatzea. Sintoma horiek agertuz gero, egiaztapen-testa egingo litzaieke.

Alarma egoera ezarri zenetik, Gipuzkoa osoko adinekoen egoitzetan bezala, Arangoiti egoitza itxita mantendu da kanpoko bisitarientzat. Gaixotasun sintomak dituzten pertsonei egin diete koronabirusaren proba, eta gaur eman dira lehen bi kasu positiboak.