Gure herrian indarkeria matxista sufritzen duten emakumeei segurtasuna eta babesa eskaintzeko, Beasaingo Udalak herriko farmaziekin elkarlanean,"Maskara 19" kanpainarekin bat egin du, .

Ekimena, indarkeria matxista pairatzen duen eta laguntza eskatu behar duen edozein emakumeri zuzenduta dago eta herriko farmazietan "Maskara 19" bat eskatuz, modu seguruan lan egin ahal izango dute. Alarma seinale honen aurrean, farmazilariek jarduteko protokoloa martxan jarriko dute emakumea SATEVIko profesionalekin harremanetan jarriz.

Horrela, talde espezializatu bat biktimarekin harremanetan jarriko da eta, behar izanez gero, leku seguru batera eramango dute. Gainera, anonimatua bermatuko da, laguntza eskatzen duen emakumearena zein laguntza eman dion farmaziarena.

Bestalde, Beasaingo Udalak, Gipuzkoako Foru Aldundiarekin batera, aholkularitza juridiko eta psikologikoko zerbitzuak eskaintzen jarraitzen du. Zerbitzu horiek telefonoz eskaintzen dira, eta hitzordua eskatu behar da 943 02 80 50 telefonoan (goizeko 08:00etatik arratsaldeko 14:00etara) edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean.

MASKA19

Gaur egun, koronabirus gaitzak jota lau pertsona dira hildakoak Arangoiti adinekoen egoitzan. Asteburu honetan, 86 eta 88 urteko bi pertsona hil dira gaixotasunak kutsatuta eta aurretik hildako biei batu zaizkie.

Orain arte egindako proben arabera, koronabirusaz kutsatutako hamar kasuetatik lau hil dira. Gainerako sei pertsonetatik bi Donostian daude (bat Donostiako Ospitalean eta bestea Gurutze Gorrian) eta beste laurak Arangoitin isolamendu egoeran. Egoitzako langileei dagokionez, lau dira positibo eman dutenak, eta horietatik bi lanera itzultzear daude.

Beasaingo Udalak, orain arte egin duen bezala, kandela pizte herrikoia egitera gonbidatzen ditu herritarrak gaur 21: 00etan, herrian koronabirusaren ondorioz hildako pertsonen oroimenez.

Osasun alerta eta alarma egoerak dirauen artean egoitzako bisita-erregimenak itxita jarraitzen du eta osasun-agintariek kasu hauetarako protokoloak agindutako isolamendu-neurriak mantentzen dira.

Koronabirus gaitz kutsakorrak eragin duen konfinamenduak, Beasaingo azoka ohi bezala ezin burutzea ekarri du. Hori dela eta, Beasaingo Udalak baserritarrek eta lehen sektoreko ekoizleek jasaten ari diren egoera latzari ahal den neurrian konponbidea emateko, euren produktuak saldu ahal izateko etxez-etxeko salmenta sistema jarri du abian. 

Beasaingo azokara datozen saltzaile eta baserritarrekin harremanetan jarri ostean, etxez etxe salmenta egiteko borondatea agertu dutenen pdf zerrenda (4.73 MB) osatu du. Beasaindarrek eurekin harremanetan jartzeko moduak erabiliz, telefonoz edo posta elektronikoz, eskariak egingo dizkiete eta ondoren aukeratutako egunetan egingo dute banaketa. 

Antolaketa honen helburua garai zail honetan kaltetua suertatzen ari den herriko ekonomia sektore ahul eta hauskorraren egoera arintzea da. Jakina da asteartetako azoka eta hileko lehen larunbateko azoka berezia bertan behera geratu zirela ezarritako osasun alerta eta alarma egoeragatik. Udal gobernuaren lehentasunen artean egon da beti tokiko ekonomia eta merkataritza sustatu, babestu eta laguntzeko ekimenak aurrera eramatea. 

Beasaingo azoka taula

Beasaingo Arangoiti adinekoen egoitzan koronabirusaz kutsatzeagatik bigarren heriotza gertatu da. Joan den astean egoitzan kutsatu ziren lehenengo bi kasuetako bat izan zen lehen hildakoa. Gaur berriz, Arangoitin isolamendu egoeran zegoen gaixotuetako bat izan da.  

Guztira eta gaur arte, Arangoiti egoitzan 8 egoiliar kutsatu dira. Bestalde hiru langile ere kutsatuta daude eta isolamenduan daude.

Osasun alerta eta alarma egoerak dirauen artean egoitzako bisita-erregimenak itxita jarraitzen du eta osasun-agintariek kasu hauetarako protokoloak agindutako isolamendu-neurriak mantentzen dira.