Asteazkenean, maiatzak 13, berriro jarriko da martxan TAO zerbitzua udalerri osoan. Koronabirusaren pandemiak eragindako alarma egoera ezartzearen ondorioz zerbitzua etenda geratu zen eta orain merkataritza eta ostalaritza establezimenduak ireki ondoren, aparkalekuetako ordainketa zerbitzua berriro abiaraziko da. Lehen egunetan malgutasunez jokatuko dute zaintzako langileek, arau hausteak ez dituzte isunekin zigortuko baizik eta ohartarazpenak jarriko dituzte.